"Ажыві байку"

Трэці этап "Ажыві байку" ( з 29 лістапада па 5 снежня)

                                                        Я ў мастацкім агародзе

                                                                 Толькі марная трава.

                                                                           А якая? Смех, дый годзе:

                                                                                      Я - пякучка - крапіва...

                                                                         

                                                                                                              Кандрат Крапіва

Наша падарожжа працягваецца, віртуальная вандроўка вядзе нас у вёску Нізок Уздзенскага раёна Мінскай вобласці, на радзіму нашага славутага байкапісца - Кандрата Крапівы (Кандрата Кандратавіча Атраховіча). Сёлета адзначаецца 120-годдзе з дня нараджэння байкапісца. 

Асоба Кандрата Крапівы займае адметнае месца ў беларускай літаратуры і культуры. Байкапісец, драматург, публіцыст, вучоны-мовазнаўца... Яго творы стала займаюць адно з першых месцаў у рэйтынгу любімых з вывучаных на памяць у школе. 

 Падрабязней з біяграфіяй байкапісца знаёмімся ТУТ.

Аб загадках жыцця Дзеда Кандрата раскажа наступнае відэа.

Перачытаць ці прачытаць  ўпершыню байкі Кандрата Крапівы можна ТУТ.

Заданне. 

Вам неабходна выбраць з прачытаных  байку, якая Вам найбольш спадабалася, намаляваць да яе 5-10 малюнкаў. Затым  малюнкі неабходна сфатаграфаваць або адсканіраваць, захаваць  на камп'ютары. 
 "Ажыўляць"  байкі будзем пры дапамозе слайд - шоу з Вашых малюнкаў. Ствараць наш фотафільм будзем не на звычайным сэрвісе, а на  знакамітым відэахостынгу You Tube.

Пра новыя магчымасці Google - профілю глядзім ТУТ.
 Спасылку на відэа Вашай каманды пакідаем ТУТ.
Прыклад работы можна знайсці ТУТ.

Крытэрыі ацэньвання працы:колькасць малюнкаў - 8 балаў (не менш за 5 малюнкаў);
арыгінальнасць - 3 балы;
мастацкае афармленне - 2 балы;
своечасовасць выканання - 2 балы;
праходжанне рэфлексіі - 2 балы.
Усяго: 17 балаў.

Поспехаў і цярпення ў стварэнні фотафільмаў!

Хочаце яшчэ памаляваць? Не алоўкамі, не фарбамі, а каляровым пяском онлайн!? Тады цікавы сэрвіс Thisissand для Вас. Рэгістрацыя не патрэбна.

Сачыце за рэзультатамі на "Куфары", не забудзьце зарэгістрвацца на "Форуме".

Рэфлексія.
У каментарыях ніжэй адкажыце, калі ласка, на наступныя пытанні:
1. Што было новым для Вас з біяграфічных звестак пра  Кандрата Крапіву?
2. Ці спадабалася Вам "ажыўляць" байку?
3. Ці даводзілася Вам ужо працаваць з відэахостынгам You Tube?

Не забудзьце назваць сваё імя і прозвішча, указаць назву каманды. Для мяне вельмі важныя Вашыя думкі і меркаванні!